ខេមរៈសិរីមន្តនឹងចេញទៅថៃរកម្រៃជួយពេទ្យគន្ធបុផ្ផា

ភ្នំពេញ៖តារាចម្រៀងល្បីឈ្មោះប្រចាំផលិតកម្មសាន់ដេខេមរៈសិរីមន្តបានប្រកាសដំណឹងដ៏គួរឱ្យ
ភ្ញាក់ផ្អើលមួយដល់ទស្សនិកជនថានៅថ្ងៃអាទិត្យទី៤ខែកញ្ញាឆ្នាំ២០១៦ខាងមុខនេះនឹងត្រូវធ្វើដំណើរទៅសម្តែងឯប្រទេសថៃដើម្បីអបអរសាទរដល់ពិធីភ្ជុំបិណ្ឌ។កម្មវិធីនេះក៏ត្រូវបានលោកបញ្ជាក់ដែរថានឹងមានថវិកាមួយចំណែកនឹងត្រូវយកទៅជួយដល់មន្ទីរពេទ្យគន្ធបុផ្ផាដែលកំពុងតែខ្វះខាតថវិកានោះ។

កាលពីដើមខែសីហានេះតារាចម្រៀងខេមរៈសិរីមន្តក៏បានចូលរួមកម្មវិធីប្រគុំតន្ត្រី”ស្នាមញញឹមខ្មែរ”ដែលរៀបចំដោយស្ថានីយទូរទ្សន៍ប៉ុស្តិ៍លេខ៥ដែលមានវត្តមានតារាចម្រៀងថៃលោកទីកស៊ីរ៉ូចូលរួមផងដែរ។ការចេញទៅសម្តែងនេះគឺអាចជាការផ្លាស់ប្តូគ្នាទៅវិញទៅមករវាងការច្រៀងរបស់តារាចម្រៀងនៃព្រះរាជាណាចក្រកម្ពុជានិងថៃ។ក្នុងខ្សែវីដេអូខ្លីមួយដែលត្រូវបានតារាចម្រៀងខេមរៈសិរីមន្តបង្ហោះកាលពីថ្មីៗនេះបានបញ្ជាក់ថាលោកនឹងចាកចេញពីកម្ពុជាទៅជួបអ្នកគាំទ្រនៅប្រទេសថៃហើយការទៅសម្តែងលើកនេះគឺដើម្បីចូលរួមអបអរសាទរដល់ពិធីភ្ជុំបិណ្ឌខ្មែរយើងក៏ដូចជាបង្កបរិយាកាសសប្បាយរីករាយដល់បងប្អូនខ្មែរដែលបានធ្វើការហត់នឿយនៅប្រទេសថៃ។ការប្រគំតន្ត្រីដ៏ធំមួយនេះនឹងធ្វើឡើងនៅសាលមហោស្រព (មហាវិទ្យាល័យធម្មសាទរាំងស៊ីត) ម្ដុំផ្សារតាឡាតថៃចាប់ពីម៉ោង៣រសៀលតទៅ។ការប្រកាសនេះដែរត្រូវបានគេដឹងថានឹងមានអ្នកគាំទ្រលោកភាគច្រើនពិសេសប្រជាជនខ្មែរដែលរស់នៅប្រទេសថៃនឹងចូលទស្សនាគាំទ្រលោកច្រើនជាក់ជាមិនខាន។លោកបញ្ជាក់ដែរថាថវិកាដែលរកបានពីការប្រគំតន្ត្រីនេះមួយចំណែកនឹងផ្តល់ជូនមន្ទីរពេទ្យគន្ធបុប្ផាដើម្បីចូលរួមជួយសង្គ្រោះជីវិតកុមារកម្ពុជាយើង។កំពូលតារាចម្រៀងរូបនេះក៏បានបង្ហាញក្តីសង្ឃឹមយ៉ាងមុតមាំថានឹងមានការចូលរួមគាំទ្រយ៉ាងច្រើនពីបងប្អូនទស្សនិកជនជាក់ជាមិនខាន។

ទោះជាយ៉ាងណាក្រៅពីតារាចម្រៀងខ្មែរក៏នឹងមានតារាចម្រៀងប្រុសស្រីល្បីឈ្មោះរបស់ប្រទេសថៃមួយចំនួនទៀតនឹងត្រូវទៅចូលរួមសម្តែងនិងច្រៀងរាំក្នុងឱកាសនោះផងដែរ៕<ប្រភពពី ខ្មែរដេលី>